Արեւմտյան բարձրաստիճան պաշտոնյան Վրաստանի նախկին վարչապետ Իրակլի Ղարիբաշվիլիին առաջարկել է պատերազմ սկսել Ռուսաստանի դեմ, որը կտեւի երեք-չորս օր, իսկ հետո երկիրը կսկսի պարտիզանական դիմադրությունը։
Այս մասին «Իմեդի» հեռուստաալիքին տված հարցազրույցում ասել է իշխող «Վրացական երազանք-Ժողովրդավարական Վրաստան» կուսակցության հիմնադիր և պատվավոր նախագահ Բիձինա Իվանիշվիլին։
«Ես կարող եմ հիշել, թե ինձ ինչ ասաց նախկին վարչապետ Իրակլի Ղարիբաշվիլին։ Նրա հետ խոսակցություն էր վարում արևմտյան երկրներից մեկի բարձրաստիճան պաշտոնյան։ Իրակլին հարցրեց՝ «լավ, բայց քանի՞ օր կարող ենք կռվել [Ռուսաստանի հետ]», որին ի պատասխան պաշտոնյան նրան ասաց՝ «երեք-չորս օր»։ Իրակլին ասաց՝ «այս երեք-չորս օրվա համար դուք ուզում եք մեզ կործանել, ի պատասխան ասացին՝ «այսպիսով, դուք 3-4 միլիոն եք, նրանք բոլորին չեն սպանի երեք-չորս օրվա ընթացքում: Հետո դուք կարող եք պարտիզանական շարժում սկսել անտառում: Մենք ձեզ կօգնենք, իսկ դուք այնտեղից կպայքարեք»,- ասել է Իվանիշվիլին։
