ԱՄՆ փոխնախագահ Քամալա Հարիսը, որը թեկնածություն է առաջադրել Դեմոկրատական կուսակցությունից, կարծում է, որ իր մրցակից Դոնալդ Թրամփը կստիպի Ուկրաինային զիջել Ռուսաստանի Դաշնության հետ պատերազմում: Այս մասին նա ասել է հոկտեմբերի 21-ին Միչիգանում կայացած քարոզարշավի ժամանակ:
Նա հիշեցրել է Թրամփի նախկին հայտարարությունները՝ պատերազմը մեկ օրում ավարտելու մտադրության մասին։
«Մտածեք, թե ինչ է նա ասել: Նա թույլ կտա, որ Ուկրաինան զիջի իր պայքարն ագրեսորի դեմ, որը խախտում է իր ինքնիշխանությունը: Եթե Դոնալդ Թրամփը նախագահ լիներ, Վլադիմիր Պուտինը նստած կլիներ Կիևում և հասկանալի է, թե դա ինչ կնշանակեր Ամերիկայի և մեր դիրքի համար ամբողջ աշխարհում»,- ասել է Հարրիսը Միչիգանում միջոցառման ժամանակ:
