ՌԴ նախագահ Վլադիմիր Պուտինը Հնդկաստանի վարչապետ Նարենդրա Մոդիի հետ հանդիպման ժամանակ կատակել է, որ առաջնորդների հարաբերություններն այն մակարդակի վրա են, որ իրենք միմյանց կհասկանան նաև առանց թարգմանչի:
Հանդիպումը տեղի է ունեցել Կազանում BRICS-ի գագաթնաժողովի շրջանակներում և ուղեկցվել է հաջորդական թարգմանությամբ։
«Մենք այնպիսի հարաբերություններ ունենք, որ ես կարծում էի՝ Դուք առանց դրա էլ ամեն ինչ հասկանում եք», – կատակել է Պուտինն այն բանից հետո, երբ հնդկական կողմի թարգմանիչը սկսել է թարգմանել իր խոսքերը Մոդիի համար:
Հնդկաստանի վարչապետը գնահատել է կատակը, և երկու առաջնորդներն էլ ծիծաղել են։
