Թուրքիայի նախագահ Ռեջեփ Թայիփ Էրդողանը, ելույթ ունենալով հինգշաբթի Կազանում «ԲՐԻԿՍ+/աութռիչ» հանդիպման ժամանակ, կոչ է արել երկրներին աջակցել Իսրայելին զենքի մատակարարման արգելքին։
«Քանի դեռ Մերձավոր Արևելքում արյունահեղությունը չի դադարեցվել, ապագայում արդարության և զարգացման մասին խոսք լինել չի կարող: Իսրայելի ագրեսիվ պահվածքը վաղուց անցել է բոլոր սահմանները:
Պաղեստինի ժողովուրդը ենթարկվում է ցեղասպանության: 21-րդ դարում այս ողբերգության անտեսումը չի կարող որևէ մեկին ազատել պատասխանատվությունից։
Պաղեստինը չճանաչող երկրներին հրավիրում եմ քայլեր ձեռնարկել այս ուղղությամբ։ Իսրայելին զենքով աջակցելու շարունակությունը նրան ավելի անխոհեմ է դարձնում:
Մենք ՄԱԿ-ի շրջանակներում հանդես ենք եկել Իսրայելին զենքի մատակարարումն արգելելու նախաձեռնությամբ։ Այս հարցում ես հույս ունեմ ձեր՝ մեր ընկերների աջակցության վրա»,- ասել է Թուրքիայի ղեկավարը։
