Վրաստանում խորհրդարանական ընտրությունները մրցակցային էին, քանի որ ներկայացված էին 18 տարբեր քաղաքական կուսակցություններ։
Այս մասին հայտարարել է ԵԱՀԿ Խորհրդարանական վեհաժողովի պատվիրակության ղեկավար Պիա Կաուման։
Կաուման առանձին-առանձին ընդգծել է, որ ընտրություններում ակտիվ մրցակցություն է եղել ոչ միայն ընդդիմության և իշխող կուսակցության միջև, այլ նաև ընդդիմադիր կուսակցությունների միջև։
«Այս ընտրությունները մրցակցային էին` ելնելով այն հանգամանքից, որ ընտրողները հնարավորություն ունեցան ընտրություն կատարել 18 ընտրական սուբյեկտների միջև», – ասել է նա Թբիլիսիում կայացած մամուլի ասուլիսում:
