Հայաստանի ԳԽ և ԼՂ ԱԺ նախկին պատգամավոր Վահրամ Աթանեսյանը «Ֆեյսբուքի» իր էջում գրել է․
«Նախկին իշխանության ներկայացուցիչներից մեկն ասում է, որ եթե 2018թ. իշխանափոխություն տեղի չունենար, բանակը մինչև 2020թ. ստանալու էր 2500 ԱԹՍ:
Նախ, ղարաբաղա-ադրբեջանական շփման գծում հակառակորդն առաջին անգամ ԱԹՍ կիրառել է 2014թ. ամռանը: Եվ կարելի էր հայկական բանակի զինանոցն ԱԹՍ-երով համալրել մինչեւ 2018թ․:
Երկորդ, խոսքն ի՞նչ ԱԹՍ-երի մասին է, ո՞ր երկրի արտադրության: Միայն չասեն՝ ռուսական: ՌԴ-ն առաջին հարվածային ԱԹՍ-երի սերիական արտադրություն սկսել է 2023թ.: Իսրայելը և Թուրքիան Հայաստանին հաստատ ԱԹՍ չէին վաճառի: Վաճառեին էլ՝ չէինք կարող վճարել, որովհետև իսրայելական մեկ ԱԹՍ-ի գինն սկսվում է 4,4 միլիոն դոլարից: Բազմապատկեք 2500-ով և տեսեք՝ ինչ թիվ է ստացվում»:
