Թուրքիան ևս կընդունի «օտարերկրյա գործակալների մասին» օրենք. Bloomberg

Թուրքիայի իշխանությունները մտադիր են ընդունել օտարերկրյա գործակալների մասին օրենք․ հաղորդում Է Bloomberg-ը:

Օրինագիծը խորհրդարանի քննարկմանը կներկայացվի առաջիկա օրերին:

Այն «նպատակ ունի սահմանափակել նրանց, որոնք աշխատում են պետության անվտանգության կամ նրա ներքին կամ արտաքին քաղաքական շահերի դեմ՝ օտարերկրյա պետության կամ կազմակերպության ազդեցության տակ կամ հրամանով»։

Թուրքական կառավարությունն օրենքն առաջին անգամ խորհրդարան է ներկայացրել մայիսին, սակայն այն հետաձգել էր մինչև անցյալ շաբաթ՝ ընդդիմադիր կուսակցությունների և քաղհասարակության բուռն քննադատության պատճառով:

Թուրքիայի արդարադատության նախարար Յիլմազ Թունչն անցյալ շաբաթ հայտարարել էր, որ օրենքն ուղղված է իրական լրտեսության դեմ պայքարին և լայնորեն չի կիրառվի «Թուրքիայում հետազոտություններ անցկացնողներին» պատժելու համար:

Նշենք, որ օրենքի խախտման դեպքում կարող է մինչև 7 տարվա ազատազրկում սպառնալ։

Ընդգծենք, որ Ռուսաստանը, Ղրղզստանը և Վրաստանը վերջին տարիներին են ընդունել են նմանատիպ օրենքներ, որոնք, ըստ քննադատների, օգտագործվում են լրատվամիջոցներին և հկ-ներին լռեցնելու համար: