Գազայի հատվածում և Լիբանանում հրադադարի մասին Իսրայելի համաձայնությունը կարող է ազդել հոկտեմբերի 26-ի հարձակումից հետո հրեական պետության դեմ պատասխան հարված տալու Իրանի որոշման վրա: Այս մասին հայտարարել է հանրապետության նախագահ Մասուդ Փեզեշքիանը։
«Նրանք հրաշալի գիտեն, որ եթե որևէ սխալ թույլ տան Իրանի Իսլամական Հանրապետության դեմ, կստանան ջախջախիչ պատասխան։
Միայն նրանց վարքագծի վերանայումը, հրադադարի համաձայնությունը և տարածաշրջանում անմեղ մարդկանց սպանությունը կարող են ազդել մեր պատասխանի ձևի և ուժգնության վրա»,- մեջբերում է նրա խոսքը IRNA գործակալությունը:
Տարածաշրջանում էսկալացիայի ամբողջ պատասխանատվությունը Փեզեշքիանը դրել է Իսրայելի վրա, որը «չնայած (Թեհրանի) զսպվածությանը և որոշ երկրների խորհուրդներին, շարունակել է իր հանցագործությունները և ընդլայնել իր ագրեսիայի շրջանակը»:
