«Ադրբեջանի բնակչությունը թակարդի մեջ է, մարդիկ չեն կարողանում մեկնել եւ ժամանել իրենց իրկիր, միակ հնարավորությունն օդային ճանապարհն է»,- Թբիլիսիում ասել է բնապահպանության բնագավառի շվեդացի հայտնի ակտիվիստ Գրետա Գունբերգը:
Նա ավելացրել է, որ եթե անգամ Բաքու ազատ մուտքի հնարավորություն ունենար, իր ներկայությամբ չէր լեգիտիմացնի ՄԱԿ-ի Կլիմայի հարցերով խորհրդաժողովը, քանի որ այն անցկացվում է մի երկրում, որտեղ մարդու տարրական իրավունքները չեն հարգվում:
Գրետա Գունբերգը կատարյալ աբսուրդային է որակել անցյալ տարի իր մասին Ադրբեջանի ԱԳՆ տարածած հայտարարությունը, երբ հոլանդական ոստիկանությունը խոչընդոտել էր ակցիայի կազմակերպմանը:
Ադրբեջանն այն ժամանակ հայտարարել է, որ բոլոր երկրենրը պարտավոր են ազատ պայմաններ ստեղծել, որպեսզի բնապահպանական հարցերով ակտիվիստներն իրենց բողոքն արտահայտեն:
«Աբսուրդ է, երբ բռնապետական վարչակազմը փորձում է ինձ որպես առիթ օգտագործել, որպեսզի արդարացնի մարդու իրավունքների սեփական խախտումները եւ խոսում ինձ հետ համերաշխության մասին»-ասել է Գունբերգը:
Նա լրագրողներին եւ բնապահպանական ակտվիստների կոչ է արել հետեւել իր օրինակին:
Գունբերգը նաեւ քննադատել է միջազգային հանրությանը, աշխարհի զարգացած երկրներին, որ Կլիմայի խորհրդաժողովի կազմակերպման հնարավորություն են տալիս բռնապետական երկրներին:
Նա հիշեցրել է, որ նախորդ խորհրդաժողովն անցկացվել է Դուբայում:
Տասնյակ իրավապաշտպան կազմակերպություններ ՄԱԿ-ի Գլխավոր քարտուղար Գուտերեշին հորդորել են քննարկել եւ ընտրել Կլիմայի հարցերով խորհրդաժողովի անցկացման մշտական վայր, երկիր, որ նավթի եւ գազի արդյունահանմամբ չի զբաղվում, ժողովրդավարական է, ուժային բլոկի անդամ չէ:
Թիվ 1 սյունակ, Վահրամ Աթանեսյան
