Ռուսաստանը ոչ միայն պատրաստ է Ուկրաինայի հետ բանակցություններին, այլեւ բանակցությունները վարել է հակամարտության հենց սկզբում, ասել է ՌԴ նախագահ Վլադիմիր Պուտինը։
«Ես բազմիցս ասել եմ, որ Ռուսաստանը ոչ միայն պատրաստ է բանակցությունների, այլեւ որոշակի փուլում՝ այս հակամարտության հենց սկզբում, վարել է բանակցություններ։ Եվ նույնիսկ երկուստեք ընդունելի պայմանագիր է մշակվել՝ նախաստորագրված ուկրաինական կողմից։ Սակայն ուկրաինական կողմը դրսի խորհրդով, ինչպես հայտարարել են ուկրաինացի պաշտոնյաները, մերժել է այս համաձայնագիրը»,- ասել է Պուտինը օտարերկրյա դեսպաններին հավատարմագրերի հանձնման արարողության ժամանակ։
