Նոյեմբերի 6-ին Ղրղզստանի մայրաքաղաք Բիշքեկում տեղի է ունեցել Ադրբեջանի նախագահ Իլհամ Ալիևի և Թուրքիայի նախագահ Ռեջեփ Թայիփ Էրդողանի հանդիպումը։
Ըստ ադրբեջանական լրատվամիջոցների՝ հանդիպմանը ևս մեկ անգամ նշվել է, որ «բարեկամական, եղբայրական և դաշնակցային հարաբերությունները հաջողությամբ զարգանում են բոլոր ոլորտներում»։
Ընդգծվել է, որ Բիշքեկում անցկացվող Թյուրքական պետությունների կազմակերպության պետությունների ղեկավարների 11-րդ գագաթնաժողովը ծառայում է թյուրքական պետությունների համագործակցության ամրապնդմանը։
Զրույցի ընթացքում ևս մեկ անգամ նշվել է Ադրբեջանում կայանալիք COP29 համաժողովի կարևորությունը։
Կողմերը մտքեր են փոխանակել երկկողմ հարաբերությունների և փոխադարձ հետաքրքրություն ներկայացնող հարցերի շուրջ։
