ԱՄՆ նորընտիր նախագահ Դոնալդ Թրամփը հաղթանակից հետո կողմնակիցների առջև իր առաջին ելույթում հայտարարել է, որ մտադիր է «պատերազմներ չսանձազերծել», այլ «վերջ տալ դրանց»։
Քաղաքական գործիչը հայտարարել է, որ իր նախորդ նախագահական ժամկետում Միացյալ Նահանգները «չգիտեր ոչ մի պատերազմ», բացառությամբ «Իսլամական պետությանը» հասցրած պարտության։
«Մենք հաղթեցինք ԴԱԻՇ-ին ռեկորդային ժամկետում, սակայն ոչ մի պատերազմ չվարեցինք: Ես չեմ պատրաստվում պատերազմներ սանձազերծել, ես մտադիր եմ դրանք կանգնեցնել»,- ասել է Թրամփը։
