«Իմ քայլը» խմբակցության պատգամավոր Արփի Դավոյանն այսօր ԱԺ-ում անդրադարձավ այսօր ԱԺ-ում Գագիկ Ծառուկյանի Աբու Դաբիից ժամանած ներդրողների մասին հայտարարություններին:
Դիմելով «Բարգավաճ Հայաստան» խմբակցության պատգամավոր Արման Աբովյանին, Դավոյանն ասաց, որ ամեն ինչ այնպես չէ, ինչպես ներկայացվում է:
«Անցած նիստերի ժամանակ պարոն Աբովյանը նորից նեղվեց, որ իրենց խմբակցության պատգամավորներին անդրադարձանք, ասաց, թե ձեր օրը ծախսեցիք մեր պատգամավորների վրա: Այսինքն՝ Դուք չեք սիրի մեր երեքշաբթիները, բայց այդպես է ստացվել»,-ասաց Դավոյանը՝ հավելով, որ ոչ-ոք պարոն Ծառուկյանի ասածից չի վատացել:
Հիշեցնենք, որ այսօր ԱԺ-ում լրագրողների հետ զրույցում Գագիկ Ծառուկյանը ասել է, որ հեղափոխությունից հետո իր հրավերով Հայաստան են եկել Աբու Դաբիի թագաժառանգն ու Արաբական Միացյալ Էմիրությունների «Ռոտանա» հյուրանոցային ցանցի սեփականատերը, ովքեր ցանկություն են հայտնել Հայաստանում ներդրումներ կատարել, սակայն Երեւանի քաղաքապետի ու Երեւանի գլխավոր ճարտարապետի հետ հանդիպումը հաջող չի անցել:
Արփի Դավոյանը իր ելույթում նշեց, որ այս թեմայի շուրջ խոսել է քաղաքապետ Հայկ Մարությանի հետ, և, ինչպես ներկայացրել է Մարությանը, հյուրերին ընդունել է անձամբ նա՝ մեծ շուքով:
Շարունակությունը՝ armtimes.com