Մադրիդի «Ռեալը» հաշվարկել է նախորդ մրցաշրջանի եկամուտը, հաղորդում է Marca-ն։
Այսպիսով, իսպանացիների եկամուտը կազմել է 1,073 միլիարդ եվրո, ինչը 230 միլիոն եվրոյով ավելի է, քան 2022/2023 մրցաշրջանում։
Ակումբի վերջնական շահույթը հարկերից հետո հասել է 16 միլիոն եվրոյի, ինչը 4 միլիոն եվրոյով ավելի է, քան նախորդ տարի:
Ներկայումս թիմի բյուջեն հաջորդ մրցաշրջանի համար կազմում է 1,127 միլիարդ եվրո:
Աղբյուրը նշում է, որ այս մրցաշրջանում թիմի ծախսերը զգալիորեն կրճատվել են։
Այսպիսով, անցյալ տարի դրանք կազմել են 504 միլիոն եվրո, իսկ այս տարի՝ 482 միլիոն եվրո։ Երեք տիտղոս նվաճելու համար ակումբի բոնուսները կազմել են 40 միլիոն եվրո:
