Ռուսաստանը պատրաստ է լսել ԱՄՆ նորընտիր նախագահ Դոնալդ Թրամփի առաջարկներն Ուկրաինայում իրավիճակի կարգավորման վերաբերյալ՝ հայտարարել է ՌԴ փոխարտգործնախարար Սերգեյ Ռյաբկովը «Ինտերֆաքս»-ի հետ հարցազրույցում:
Նա ընդգծել է, որ Մոսկվան մեծ ուշադրությամբ և պատասխանատվությամբ է մոտենում ցանկացած գաղափարի, որն առաջարկում են երկրներն այդ խնդրի վերաբերյալ:
Ռյաբկովի խոսքով՝ եթե Արևմուտքի առաջարկներն ուղղված լինեն հակամարտության կարգավորմանը, այլ ոչ թե Կիևին աջակցելուն և Ռուսաստանի ռազմավարական պարտությունը նախապատրաստելուն, ապա Մոսկվան պատրաստ կլինի քննարկել այդ առաջարկները և պատասխան մշակել:
ՌԴ ԱԳ փոխնախարարը հավելել է, որ ԱՄՆ-ի հետ դիվանագիտական հարաբերությունների խզման սպառնալիքը պահպանվում է ռուսական սառեցված ակտիվների բռնագրավման և Ուկրաինայում իրավիճակի սրման դեպքում։
