Սեպտեմբերի վերջին Իսրայելի զորքերի կողմից «Հըզբոլլահ» արմատական շիական շարժման առաջնորդ Հասան Նասրալլայի ոչնչացումը դարձավ Իսրայելի «նպատակին հասնելու պսակը» լիբանանցի իսլամիստների դեմ պայքարում, իսկ շարժումը, որը Գերմանիայում, ԱՄՆ-ում, Իսրայելում և արաբական մի շարք երկրներում ահաբեկչական կազմակերպություն է ճանաչվել, կարելի է պարտված համարել: Այս մասին հայտարարել է Իսրայելի պաշտպանության նոր նախարար Իսրայել Կացը։
«Այժմ մեր խնդիրն է շարունակել ճնշում գործադրել այդ հաղթանակի պտուղները քաղելու համար», – նախարարի խոսքը մեջբերել է Reuters գործակալությունը:
Կացը նշել է, որ Իսրայելը շահագրգռված չէ միջամտել Լիբանանի ներքին քաղաքականությանը, քանի որ «դասեր է քաղել»:
Նախարարը չի պարզաբանել իր հայտարարության նշանակությունը, սակայն այն կարող է հղում լինել 2006 թվականի իրադարձություններին՝ Լիբանանի հարավում «Հըզբոլլահ» – ի դեմ ՑԱԽԱԼ-ի ռազմական գործողությանը, որը հանգեցրել է տարածաշրջանում ձգձգված ռազմական գործողությունների: Իսրայելում այս իրադարձությունները անվանում են երկրորդ լիբանանյան պատերազմ։
