Գերմանիայի կանցլեր Օլաֆ Շոլցը վստահեցրել է, որ ինքը դեմ է, որպեսզի իր երկիրը միջուկային զենք ունենա, և ասել, որ իրեն պաշտպանելու համար Գերմանիան ստիպված է սովորական զենք մշակել, մասնավորապես՝ հրթիռներ։
«Ես կտրականապես դեմ եմ, որ Գերմանիան ունենա միջուկային զենք։ Այն կհանդիպի իմ կողմից վճռական դիմադրության»,-ասել է Գերմանիայի կառավարության ղեկավարը ARD հեռուստաալիքին տված հարցազրույցում։
Այս առումով, ըստ կանցլերի, երկիրը պաշտպանելու համար անհրաժեշտ է սովորական սպառազինություն մշակել։
«Մեզ պետք է մի բան, որը կպաշտպանի մեզ, որպեսզի մեզ վրա չհարձակվեն», -ասել է Շոլցը՝ հիշեցնելով, որ այդ նպատակով նա ջանքեր է գործադրել ստեղծելու հեռահար հրթիռներ, որոնք միջուկային մարտագլխիկներ չեն կրի։
