Ադրբեջանի նախագահ Իլհամ Ալիևը նոյեմբերի 12-ին հանդիպել է Միացյալ Թագավորության վարչապետ Քիր Սթարմերի հետ, որի ընթացքում քննարկվել է նաև Բաքվի և Երևանի միջև խաղաղության գործընթացը:
Ալիևը նշել է, որ ներկայումս կողմերի միջև շարունակվում են բանակցությունները խաղաղության պայմանագրի շուրջ.
«Պայմանագրի տեքստի զգալի մասն արդեն համաձայնեցված է, լուրջ առաջընթաց կա Հայաստանի և Ադրբեջանի միջև սահմանագծման և սահմանազատման հարցում, իրականացվել է ոչ միայն սահմանազատում, այլև ավելի քան 12 կմ երկարությամբ սահմանագծի դեմարկացիա, և հանձնաժողովի վերջին հանդիպմանը պայմանավորվածություն է ձեռք բերվել այդ գործընթացն առաջ մղելու վերաբերյալ»:
Միաժամանակ, Ալիևը հայտարարել է Հայաստանի սահմանադրությունից Ադրբեջանի նկատմամբ տարածքային պահանջները բացառելու կարևորության մասին:
Ադրբեջանի նախագահն ընդգծել է ժողովուրդներին խաղաղության նախապատրաստելու կարևորությունը՝ խաղաղության գործընթացն առաջ մղելու և խաղաղության պայմանագիր ստորագրելու համար:
