Sotheby’s ժամանակակից արվեստի աճուրդում իտալացի նկարիչ Մաուրիցիո Կատելանի «Կոմեդիանտ» անունը կրող կոնցեպտուալ արվեստի գործը՝ սովորական բանանը, որը կպչուն ժապավենով սոսնձված է եղել սպիտակ պատին, վաճառվել է 6,2 մլն դոլարով, հաղորդում է թե The New York Times-ը:
Ակնկալվում էր, որ աշխատանքը աճուրդի կհանվի 1,5 միլիոնով, բայց իրականությունը գերազանցեց կանխատեսումները:
Անսովոր գնումը կատարել է չինական ծագում ունեցող կրիպտո-ձեռնարկատեր Ջասթին Սանը, որն առաջ է անցել վեց մրցակիցներից։
Աճուրդից հետո սանը հայտարարել է, որ մտադիր է բանան ուտել՝ այն համարելով «յուրահատուկ գեղարվեստական փորձի» մաս:
Հատկանշական է, որ աճուրդում ներկայացված բանանը ինքնին 35 ցենտով գնվել է մրգի կրպակից։
Կատելանի բանանն առաջին անգամ համբավ ձեռք բերեց 2019 թվականին, երբ հայտնվեց Մայամիի Art Basel-ում։
Այն ժամանակ Perrotin Gallery-ն վաճառեց երեք նմանատիպ աշխատանք՝ 120,000-ից 150,000 դոլարով:
Հեղինակը ինքը նշել է, որ իր աշխատանքը երգիծանք է գեղարվեստական աշխարհում շահարկումների վերաբերյալ և հարցադրում է, թե ինչն է որոշում արվեստի արժեքը:
Ինստալյացիան դարձել է ոչ միայն ժամանակակից կոնցեպտուալ արվեստի խորհրդանիշ, այլև հիշեցում այն մասին, թե ինչպես սադրանքը կարող է զանգվածային ռեզոնանսի հանգեցնել հասարակության մեջ:
