Թուրքիայի նախագահ Ռեջեփ Թայիփ Էրդողանը Իսրայելի վարչապետ Բենիամին Նեթանյահուի նկատմամբ կալանավորման օրդեր տրամադրելու Միջազգային քրեական դատարանի (ՄՔԴ) որոշումը խիզախություն է որակել:
Էրդողանը շեշտել է դրա իրականացման կարևորությունը. «Ցանկանում եմ մեր աջակցությունը հայտնել Նեթանյահուի և պաշտպանության նախկին նախարար Գալանտի նկատմամբ կալանավորման օրդեր տրամադրելու ՄՔԴ որոշմանը։ Մենք կարծում ենք, որ կարևոր է, որ այս խիզախ որոշումը կյանքի կոչվի», -ասել է Էրդողանը Ստամբուլի միջազգային տոնավաճառում։
