Ոչ ոք չի խոստովանում, որ հայ-ադրբեջանական կարգավորման խոչընդոտը Մոսկվան է. Աթանեսյան

Հրապարակախոս, արցախցի նախկին պատգամավոր Վահրամ Աթանեսյանը ֆեյսբուքյան էջում գրել է․

«Մի քսան-երեսուն տարի հադրութեցիները եւ ասկերանցիները վիճում էին, թե ո՞վ է առաջինը սկսել ղարաբաղյան Շարժումը, մի խումբ էլ առաջնայնության դափնին իրեն էր վերագրում, որ փետրվարի 13-ին իրենք են Ստեփանակերտի կենտրոնական հրապարակ դուրս եկել:

Ոչ ոք չէր ուզում ընդունել, որ ոչ մի հանրահավաք, նստաշրջան, բողոքի ցույց չէր լինի, եթե Մոսկվան չցանկանար հայ-ադրբեջական հակամարտություն սադրել:

Նույնիսկ աղետալի պատերազմից, ԼՂ տոտալ հայաթափումից հետո ոչ ոք չի խոստովանում, որ հայ-ադրբեջանական կարգավորման խոչընդոտը Մոսկվան է:

Անգամ նրանք, որ Շարժման արշալույսին խորհուրդ էին տալիս երեք գործ կարդալ՝ Խորենացու «Ողբը» եւ Դերենիկ Դեմիրճյանի «Հայն» ու Չարենցի «Երկիր Նաիրին»։ Կարդացել ենք, հետո՞: Եկեք երեքին էլ թուրքի գործակալ, հայրենադավ անվանենք ու թեման փակենք, հա՞»։