Սիրիան ի վիճակի է հաղթել ահաբեկիչներին իր դաշնակիցների օգնությամբ․ Ասադ

Սիրիայի նախագահ Բաշար ալ-Ասադը և ԱՄԷ նախագահ Նորին Մեծություն Շեյխ Մուհամեդ բեն Զայեդ Ալ Նահյանը հեռախոսազրույց են ունեցել, որի ընթացքում քննարկել են Սիրիայում վերջին զարգացումները։

SANA գործակալության փոխանցմամբ՝ զրույցի ընթացքում նախագահ Ալ-Ասադն ընդգծել է, որ Սիրիան կշարունակի պաշտպանել իր կայունությունն ու տարածքային ամբողջականությունը բոլոր ահաբեկիչների և նրանց աջակիցների դեմ, և որ ի վիճակի է իր դաշնակիցների և ընկերների օգնությամբ հաղթել և վերացնել նրանց՝ որքան էլ ինտենսիվ լինեն նրանց ահաբեկչական հարձակումները։

Իր հերթին Շեյխ Մուհամեդ բեն Զայեդը հաստատել է իր երկրի աջակցությունը սիրիական պետությանը և ահաբեկչության դեմ պայքարին, ինչպես նաև Սիրիայի ինքնիշխանության, տարածքային ամբողջականության և կայունության հաստատմանը: