Ռուսաստանի Անվտանգության խորհրդի փոխնախագահ Դմիտրի Մեդվեդևը Telegram-ի իր ալիքում Վրաստանում տեղի ունեցող բողոքի ցույցերն անվանել է հերթական «գունավոր հեղափոխության» փորձ։
«Բոլոր նախադրյալները կան, որպեսզի Վրաստանը կրկին ընկղմվի քաղաքացիական հակամարտությունների անդունդը։ Կարճ ասած, հարեւաններն ուկրաինական ուղով արագ շարժվում են դեպի մութ անդունդ»,- կարծում է քաղաքական գործիչը։
Նա հայտարարել է, որ ներկայումս վրաց ժողովրդի մի մասը ավիրում է փողոցները, իսկ մյուսը լռում է։ Մինչդեռ Վրաստանի նախագահ Սալոմե Զուրաբիշվիլին հայտարարել է, որ չի հեռանալու, քանի որ չի ճանաչում խորհրդարանական ընտրությունների արդյունքները։ Մեդվեդևը նրան անվանել է «խելագար կին» և «ժամկետանց նախագահ»՝ նշելով, որ նախկինում նա կպատժվեր նման արարքի համար։
