Հարավային Կորեայի ոստիկանությունը հետաքննություն է սկսել նախագահի դեմ. Նա կասկածվում է պետական դավաճանության մեջ։
Հարավային Կորեայի նախագահ Յուն Սոկ Յոլ կասկածվում է պետական դավաճանության մեջ ռազմական դրության հայտարարությունից հետո, հաղորդում է հարավկորեական «Yonhap News» գործակալություն:
AFP – ն, վկայակոչելով ոստիկանության բարձրաստիճան սպային, գրում է, որ Յունը կասկածվում է խռովության հրահրելու մեջ։ Պարբերականը նշում է, որ այս դեպքում նախագահական իմունիտետը չի գործում, և պատիժ կարող է լինել նույնիսկ մահապատիժը:
Ոստիկանությունը հետաքննություն է սկսել երկու դիմում ստանալուց հետո, գրում է «Yonhap News»-ը: Դրանցից մեկը ներկայացվել է «Կորեական նորարար կուսակցության» կողմից (սա ընդդիմադիր կուսակցություններից մեկն է), մյուսը՝ 59 ակտիվիստներից բաղկացած խմբի կողմից։
Այս հայտարարությունների համար մեղադրվում են ոչ միայն Յունը, այլև պաշտպանության նախկին նախարար Կիմ Յոն-Հյունը, ներքին գործերի նախարար Լի Սան Մինը և գեներալ Պակ Ան Սուն, որը նշանակվել է ռազմական դրության պահպանման պատասխանատու:
