Ուկրաինան պատրաստ է հայտարարել խաղաղության պատրաստակամության մասին. WSJ

Ուկրաինայի նախագահի գրասենյակի ղեկավար Անդրեյ Երմակը հանդիպել է ԱՄՆ նորընտիր նախագահ Դոնալդ Թրամփի թիմի ներկայացուցիչների՝ Ազգային անվտանգության հարցերով խորհրդականի թեկնածու Մայք Ուոլցի և Ռուսաստանի և Ուկրաինայի հարցերով հատուկ բանագնացի պաշտոնի թեկնածու Քիթ Քելլոգի հետ: Այդ մասին հայտնել են Reuters և The Wall Street Journal-ը պարբերականները՝ հղում անելով աղբյուրներին:

Reuters-ի զրուցակիցները մանրամասներ չեն ներկայացնում Թրամփի թիմի հետ ուկրաինական պատվիրակության հանդիպումից: WSJ-ի տեղեկություններով՝ քննարկումներին միացել է նաև ընտրված փոխնախագահ Ջեյ Դի Վենսը։ Մինչ այդ, ինչպես գրում է պարբերականը, Երմակը Ֆլորիդայում հանդիպել է Սյուզի Ուայլսի հետ՝ Թրամփի շրջանում Սպիտակ տան աշխատակազմի ղեկավարի:

Ըստ WSJ-ի աղբյուրների՝ Երմակն այցելել է Վաշինգտոն՝ Թրամփի օգնականների հետ հարաբերությունները կարգավորելու համար:

Ուկրաինան, ինչպես գրում է WSJ-ն, «մտադիր է հայտնել խաղաղության իր պատրաստակամության մասին»։ «Բայց դա պետք է լինի կայուն խաղաղություն։ Անկայուն, ժամանակավոր խաղաղությունը չի համապատասխանում ԱՄՆ – ի կամ Ուկրաինայի շահերին», – ասել է Կիևի ծրագրերին ծանոթ պարբերականի զրուցակիցը։