Վրաստանի նախագահ Սալոմե Զուրաբիշվիլին հանրային հեռուստաընկերությանը տված հարցազրույցում պարզաբանել է՝ նախկինում Associated Press գործակալության հետ զրույցում «հայկական կարուսել» արտահայտությունը ինչի համար է օգտագործել։
«Ես ուզում եմ ասել (Վրաստանի քաղաքացիներին) հայկական ծագում ունեցող և հայերին (հարևան երկրում), որտեղ նույնպես գործում է ռուսական քարոզչություն։ «Հայկական կարուսել»-ում որևէ էթնիկ համատեքստ չկա», – նշել է Զուրաբիշվիլին։
Վրաստանի առաջնորդի խոսքով՝ առաջին անգամ այդ տերմինը նա լսել է, երբ Վրաստան է վերադարձել Էդուարդ Շեւարդնաձեի օրոք: Կեղծման այս մեթոդը, նրա խոսքով, օգտագործվել է նաև Միխեիլ Սաակաշվիլիի օրոք։
«Եթե չեմ սխալվում, Հայաստանում դա անվանում են «վրացական կարուսել»։ Դրանում ընդհանրապես էթնիկ նշան չկա», – հավելել է նա։
