Սիրիայի հարցով Աստանայի ձևաչափի մասնակից երկրների ԱԳ նախարարները դեկտեմբերի 7 – ին հանդիպում կանցկացնեն Քաթարում: Այս մասին ՏԱՍՍ-ին հայտնել է Մարիա Զախարովան։
«Հանդիպումը նախատեսված է վաղը Քաթարում՝ համաժողովի շրջանակներում (Դոհայի 22 – րդ համաժողով), որը տեղի է ունենում այնտեղ և որտեղ ներկա է ՌԴ ԱԳ նախարար Սերգեյ Լավրովը», – ասել Է դիվանագետը։
2011 թվականից Սիրիայում շարունակվում է զինված հակամարտությունը։ Աստանայում բանակցությունները, որոնք հայտնի են որպես Աստանայի ձևաչափ, ընթանում են 2017 թվականից։ Աստանայի ձևաչափի մեջ են մտնում Ռուսաստանը, Իրանը և Թուրքիան՝ որպես սիրիական ճգնաժամի կարգավորման գործընթացի երաշխավոր երկրներ։
