Հարավային Կորեայի ընդդիմության գլխավորած խորհրդարանն այսօր իմպիչմենտի ենթարկեց նախագահ Յուն Սուկ Յոլին՝ քվեարկելով նրան ծառայողական պարտականություններից հեռացնելու օգտին՝ անցյալ շաբաթ ռազմական դրություն մտցնելու կարճատև փորձի պատճառով: Կողմ քվեարկեց 204 ձայն, դեմ՝ 85։
Նախորդ քվեարկությունը ձախողվել էր իշխող կուսակցության անդամների բացակայության պատճառով։ Որոշում կայացնելու համար անհրաժեշտ է 300-ից 200 ձայն, ինչը նշանակում է իշխող կուսակցության պատգամավորների առնվազն 8 ձայն։
Երկրի Սահմանադրության համաձայն՝ վարչապետ Հան Դաք Սուն, որը նշանակվել էր Յունի կողմից, դառնում է նախագահի պաշտոնակատար։
Յունը երկրորդ պահպանողական նախագահն է անընդմեջ, ում իմփիչմենտ են հայտարարել Հարավային Կորեայում:
