Թուրքիայի արտգործնախարար Հաքան Ֆիդանը հայտարարել է, որ Անկարան չի մասնակցել Սիրիայում զինված ընդդիմության գործողություններին, որը հանգեցրել է Բաշար ալ-Ասադի վարչակազմի տապալմանը։
«Թուրքիան այս գործընթացի մաս չի կազմել», – ասել է նախարարը:
Բացի այդ, Ֆիդանը ասել է, որ Ասադը հրաժարվել է հանդիպել թուրքական կողմի հետ՝ չնայած երրորդ երկրների միջնորդությամբ բանակցություններ կազմակերպելու Անկարայի բազմիցս փորձերին։
Հիշեցնենք, որ դեկտեմբերի 8-ին Սիրիայում զինված ընդդիմության ներկայացուցիչները գրավեցին Դամասկոսի պետական հեռուստատեսությունը և եթերում հայտարարեցին, որ վերահսկողություն են հաստատել երկրի վրա։
