Ձանձրալի է, երբ ամեն ինչ հանգիստ է․ Պուտին

ՌԴ նախագահ Վլադիմիր Պուտինն իր ամենամյա ասուլիսում ասել է, որ երբ ամեն ինչ հանգիստ, չափավոր ու կայուն է, դա ձանձրույթ է առաջացնում․

«Լճացում ենք զգում, ուզում ենք ակտիվություն։ Երբ շարժում է սկսվում, ամեն ինչ սկսում է սլանալ»,- ասել է նա՝ նշելով, որ սլանում են և՛ վայրկյանները, և՛ փամփուշտները։

«Ցավոք, հիմա փամփուշտներն են սլանում, և դա ահավոր է։ Բայց ահավոր չէ, երբ ամեն ինչ չափվում է տնտեսությամբ»,- նշել է նա՝ շեշտելով, որ տնտեսությունն ամեն ինչի հիմքն է. «Ամեն ինչ տնտեսությամբ է պայմանավորված։ Տնտեսական կայունությունն է հիմքը, դա է որոշում քաղաքացիների կենսամակարդակը, կայունությունը, մեր կարողությունները»։