Վրաստանի նախագահ Սալոմե Զուրաբիշվիլին, որի նախագահական ժամկետը լրանում է դեկտեմբերի 29-ին, ասել է, որ չի ցանկանում վտարանդիության մեջ ապրող քաղաքական գործիչ դառնալ, ինչպես բելառուսական ընդդիմության առաջնորդ Սվետլանա Տիխանովսկայան։ Այդ մասին երկրի ղեկավարը հայտնել է TVP World-ին։
«Ես ակնարկներ եմ տեսնում, որ ես դառնալու եմ Տիխանովսկայան կամ Վենեսուելայի նախագահը (Վենեսուելայի նախագահի թեկնածու Էդմունդո Գոնսալեսը – խմբ.), որոնց կճանաչեն, երբ հայտնվեն աքսորում։ Ես դա չեմ ուզում»,- ընդգծել է նա։
Զուրաբիշվիլիի խոսքով՝ ինքը Վրաստանը լքելու մտադրություն չունի։ Նա հավելել է, որ ինքը «հիմա աջակցության կարիք ունի»։
