РИА-ի փոխանցմամբ՝ Ուկրաինայի իշխանությունները պնդում են, որ Խերսոնի մարզի՝ Ուկրաինայի վերահսկողության տակ գտնվող հատվածում պայթյունների հետևանքով վնասվել են կենսական ենթակառուցվածքների մի շարք օբյեկտներ։ Ըստ տեղեկությունների՝ շուրջ 60 հազար սպառող մնացել է առանց էլեկտրականության:
Ինչպես պնդում է Կիևի կողմից նշանակված տարածաշրջանային ռազմական վարչակազմի ղեկավար Ալեքսանդր Պրոկուդինը, վնասվել են կրիտիկական ենթակառուցվածքի օբյեկտներ՝ չհստակեցնելով, թե կոնկրետ ինչի մասին է խոսքը: Նրա տվյալներով՝ առանց էլեկտրամատակարարման է մնացել տարածաշրջանի 60 հազար բաժանորդ։ Էներգետիկները վթարավերականգնողական աշխատանքներ են իրականացնում։
Ավելի վաղ Պրոկուդինը հայտնել էր, որ հարձակման հետևանքով պայթյուններ են որոտացել ուրբաթ գիշերը՝ Խերսոնի բոլոր շրջաններում:
