Դոնալդ Թրամփը կիրակի օրը կրկին հայտարարել է Գրենլանդիան գնելու և Միացյալ Նահանգներին միացնելու իր ցանկության մասին, որի ցանկությունն ունեցել է իր առաջին նախագահական ժամկետի ընթացքում:
Թրամփը բարձրաձայնել է այս գաղափարը՝ հայտարարելով, որ PayPal-ի համահիմնադիր Քեն Հաուերը ընտրվել է Դանիայում դեսպանի պաշտոնում: Գրենլանդիան Դանիայի ինքնավար տարածք է։
«Ամերիկայի Միացյալ Նահանգները կարծում է, որ ամբողջ աշխարհում ազգային անվտանգության և ազատության ապահովման համար Գրենլանդիայի տիրապետումը և վերահսկողությունը բացարձակ անհրաժեշտություն է», – գրել Է Թրամփը իր սոցիալական ցանցի էջում։
«Քենը հիանալի աշխատանք կկատարի Միացյալ Նահանգների շահերը ներկայացնելու համար»,- ավելացրել է նորընտիր նախագահը։
Նշենք, որ Թրամփն իր առաջին նախագահության ժամկետում ևս քննարկել է Գրենլանդիայի գնման հարցը։ Դանիայի և Գրենլանդիայի պաշտոնյաներն այն ժամանակ մերժել են այդ գաղափարը:
«Մենք բաց ենք բիզնեսի համար, ոչ թե վաճառքի», – այն ժամանակ արձագանքել էր Գրենլանդիայի ԱԳՆ-ն:
Ավելի վաղ Թրամփը հայտարարել էր, որ Պանամայի ջրանցքը կրկին կարող է դառնալ ԱՄՆ-ի սեփականությունը։ Նրա խոսքով, Վաշինգտոնը չափազանց շատ է վճարում ջրանցքով անցնելու համար։
