ԱՄՆ նորընտիր նախագահ Դոնալդ Թրամփը հայտարարել է, որ «կդադարեցնի տրանսգենդերների խելագարությունը» իր նախագահության առաջին իսկ օրը։ Այս մասին նա ասել է՝ ելույթ ունենալով դեկտեմբերի 22-ին Արիզոնա նահանգի Ֆենիքս քաղաքում կայացած AmericaFest 2024 միջոցառմանը: Թրամփի խոսքերը մեջբերում է AFP-ն։
«Ես գործադիր հրաման կստորագրեմ, որը կավարտի երեխաների վիրահատությունները, տրանսգենդերներին կհեռացնի բանակից և մեր տարրական, միջին և ավագ դպրոցներից»,- ասել է Թրամփը։ Նա նաև երդվել է «տղամարդկանց հետ պահել կանանց սպորտից»:
«Թրամփի վարչակազմի օրոք ԱՄՆ կառավարության պաշտոնական քաղաքականության մեջ ճանաչված կլինի միայն երկու սեռ՝ արական և իգական»,- հավելել է Թրամփը։
