Ամերիկյան խոշորագույն ավիաընկերությունը՝ American Airlines-ը, հայտարարել է, որ դադարեցնում է թռիչքները դեպի ԱՄՆ՝ «տեխնիկական անսարքության» պատճառով։ ԱՄՆ Դաշնային ավիացիոն վարչությունը հաստատել է ընկերության թռիչքների դադարեցումը, հայտնում է Reuters-ը։
«Այս պահին մենք տեխնիկական խնդիր ունենք American Airlines-ի բոլոր թռիչքների հետ կապված: Ձեր անվտանգությունը մեր առաջնահերթությունն է: Հենց խնդիրը շտկվի, մենք ձեզ ողջ և առողջ կհասցնենք ձեր նպատակակետ»,- ասված է ընկերության X սոցիալական ցանցի հաղորդագրության մեջ։
Սոցցանցերի այլ օգտատերերի հարցերին ի պատասխան՝ ավիաընկերությունը նշել է, որ չի կարող գնահատել, թե որքան ժամանակ կպահանջվի խնդրի վերացման համար: Փոխադրողը չի հստակեցրել, թե կոնկրետ ինչ է տեղի ունեցել։
Անհաջողությունը տեղի է ունեցել Սուրբ Ծննդյան նախօրեին և տոների ժամանակ, երբ ԱՄՆ-ում սպասվում է ճանապարհորդների հոսք, նշում է ABC News-ը։
Վերջին անգամ American Airlines-ը հայտնել է լայնածավալ թռիչքների դադարեցման մասին ՝ կապված Windows-ի գլոբալ խափանումների հետ կապված խնդիրների հետ, գրում է Reuters-ը։
