Հռոմի Ֆրանցիսկոս պապը չորեքշաբթի օրն իր ուղերձում անդրադարձել է Ուկրաինայում և Մերձավոր Արևելքում հակամարտությունների կարգավորմանը:
«Անհրաժեշտ է հետևում թողնել հակամարտություններն ու պառակտումները»,- ասել է Պոնտիֆիկոսը՝ դիմելով Սուրբ Պետրոսի հրապարակում գտնվող հավատացյալներին։
Նա մասնավորապես կոչ է արել դադարեցնել ուկրաինական ճգնաժամը բանակցությունների և երկխոսության միջոցով։
Բացի այդ, նրա խոսքով, անհրաժեշտ է դադարեցնել ռազմական գործողությունները Մերձավոր Արևելքում։
Հռոմի պապը մտահոգություն է հայտնել «Իսրայելում, Պաղեստինում և հատկապես Գազայի հատվածում ստեղծված իրավիճակի կապակցությամբ, որտեղ ծայրահեղ ծանր հումանիտար իրավիճակ է ստեղծվել»։ Նա նշել է, որ աղոթում է «հրադադարի և պատանդների ազատ արձակման համար»։
