ԱՄՆ նորընտիր նախագահ Դոնալ Թրամփը Սուրբ ծննդյան ուղերձ է հղել, որում մասնավորապես ասվում է. «Շնորհավոր Սուրբ ծնունդ բոլորին, այդ թվում՝ Չինաստանի հրաշալի զինվորներին, ովքեր սիրով, բայց անօրինական կերպով շահագործում են Պանամայի ջրանցքը (որի կառուցման համար 110 տարի առաջ մենք կորցրինք 38.000 մարդ)՝ միշտ հետևելով, որ Միացյալ Նահանգները միլիարդավոր դոլարներ ներդնի «վերանորոգման» վրա, բայց միևնույն ժամանակ բացարձակապես ոչ մի բանի մասին կարծիք չունենալով»:
Նա անդրադարձել է նաև Կանադայի «նահանգապետ» Ջասթին Թրյուդոյին, որի սահմանած հարկերը, Թրամփի խոսքով, չափազանց բարձր են. «Սակայն եթե Կանադան դառնա մեր 51-րդ նահանգը, նրանց հարկերը կկրճատվեն ավելի քան 60%-ով, նրանց բիզնեսը անմիջապես կկրկնապատկվի, և նրանք պաշտպանված կլինեն ռազմական առումով, ինչպես աշխարհի ոչ մի այլ երկիր»:
Թրամփի խոսքով՝ նույնը վերաբերում է նաև Գրենլանդիայի ժողովրդին, որն անհրաժեշտ է Միացյալ Նահանգներին ազգային անվտանգության նպատակներով, և «որն ուզում է, որ ԱՄՆ-ը լինի այնտեղ, և մենք կլինենք այնտեղ…»:
