Միջերկրական ծովում ռուսական «Ուրսա մայոր» բեռնանավի կործանման պատճառ է դարձել ահաբեկչությունը: Այդ մասին «ՌԻԱ Նովոստի» – ին հայտնել է նավատեր, «Օբրենլոգիստիկա» ընկերությունների խումբը:
Ենթադրվում է, որ 2024 թվականի դեկտեմբերի 23-ին նպատակաուղղված ահաբեկչական հարձակում է իրականացվել ընկերությանը պատկանող «Ուրսա մայոր» նավի վրա։ Նավի անձնակազմի անդամների ցուցմունքների համաձայն՝ 2024 թվականի դեկտեմբերի 23-ին՝ ժամը 13:50 – ին (Մոսկվայի ժամանակով), երեք անընդմեջ պայթյուն է տեղի ունեցել աջ կողային հատվածից՝ կերային մասի հատվածում։
Դրանից հետո բեռնանավը ձախ կողմում կտրուկ թեքվել է մինչև 25 աստիճան, որից հետո ջուրը լցվել է նավի մեջ:
«Ուրսա մայոր» նավը ծանրաբեռնված չի եղել․ ընդգծել են ընկերությունում։ «Պոբրոլոգիստիկայի» տվյալներով՝ այն Ռուսաստանի խոշորագույն բեռնանավերից մեկն է, առավելագույն բեռնատարողությունը՝ 9,5 հազար տոննա։ Ընդ որում, այդ պահին բեռի քաշը կազմել է 806 տոննա։
Ավելի վաղ իսպանական լրատվամիջոցները, ինչպես նաև Ռուսաստանի արտգործնախարարությունը հայտարարել էին, որ նավի վրա պայթյուն է տեղի ունեցել շարժիչի սենյակում։
