ԱՄՆ նախագահ Ջո Բայդենը հայտարարել է Ուկրաինային գրեթե 2,5 մլրդ դոլար հատկացնելու մասին:
Սպիտակ տան հաղորդագրության մեջ նշված է, որ օգնության նոր փաթեթը ներառում է 1,25 միլիարդ դոլար ուկրաինական բանակի համար և 1,22 միլիարդ դոլար՝ անվտանգության աջակցության նախաձեռնության (USAI) շրջանակներում:
Նշվում է, որ այդ օգնությունը կապահովի ՀՕՊ համակարգերի, հրետանու և այլ անհրաժեշտ սպառազինությունների երկարաժամկետ մատակարարումներ:
Ավելի վաղ Ուկրաինայի նախագահ Վոլոդիմիր Զելենսկին հայտնել էր, որ ԱՄՆ-ն պատրաստվում է հայտարարել Կիևի համար օգնության մեծ փաթեթի մասին:
