Թուրքիայի և Իսրայելի միջև հարաբերություններն ամբողջությամբ խզված են, Անկարան որևէ քայլ չի ձեռնարկել դրանք բարելավելու համար, ասվում է Թուրքիայի նախագահի աշխատակազմի հաղորդակցությունների վարչությանն առընթեր ապատեղեկատվության դեմ պայքարի կենտրոնի հայտարարության մեջ։
Մի շարք իսրայելական ԶԼՄ-ներում հայտնվել էին տեղեկություններ, ապա վերատպվել թուրքական լրատվամիջոցներում այն մասին, որ Թուրքիայի նախագահ Ռեջեփ Թայիփ Էրդողանը, իբր, կապ է հաստատել Իսրայելի վարչակազմի հետ՝ վերականգնելու հարաբերությունները երկու երկրների միջև:
«Խոսք չի կարող լինել այն մասին, որ մեր նախագահ Ռեջեփ Թայիփ Էրդողանը զանգահարել է Իսրայելի իշխանություններին…»,-ասվում է հայտարարությունում:
Հայտարարության մեջ ընդգծվում է, որ «Գազայում Իսրայելի կողմից իրականացված ցեղասպանության հետևանքով» Թուրքիայի և Իսրայելի հարաբերություններն ամբողջությամբ խզվել են։ Բացի այդ, նշվում է, որ հետագայում հարաբերությունները բարելավելու ուղղությամբ քայլեր չեն ձեռնարկվել։
