Չինաստանի հարավարևմտյան Տիբեթի ինքնավար մարզում տեղի ունեցած երկրաշարժի արդյունքում զոհերի թիվը հասել է 53-ի։ Այս մասին հայտնում է Xinhua գործակալությունը՝ հղում անելով ՉԺՀ-ի Տիբեթի ինքնավար մարզում երկրաշարժից տուժածներին օգնություն ցուցաբերելու օպերատիվ շտաբին։
«Հունվարի 7-ի առավոտվա դրությամբ Շիգացե քաղաքային շրջանի Տինգրի կոմսությունում տեղի ունեցած երկրաշարժի հետևանքով զոհվել է 53 մարդ, ևս 62 մարդ վիրավորվել է», – ասվում է շտաբի հաղորդագրության մեջ։
Երեքշաբթի գիշերը 6,8 մագնիտուդ ուժգնությամբ երկրաշարժ է տեղի ունեցել Տիբեթի ինքնավար շրջանի Շիգացի շրջանի Տինգրի շրջանում։ Երկրաշարժի աղբյուրը գտնվել է 10 կիլոմետր խորության վրա։ Երկրաշարժից հետո սեյսմոլոգներն արձանագրել են 49 հետցնցում։
