Աղքատությունը, լինի ծայրահեղ, թե այլ, հաղթահարվում է աշխատանքով. հայտարարել է վարչապետ Նիկոլ Փաշինյանը։ Ըստ նրա, եթե քաղաքացին աշխատունակ է, ինքը պետք է հաղթահարի աղքատությունն իր աշխատանքով. «Եթե դու չես ուզում աշխատել, աղքատությունը քո ընտրությունն է։ Ոչ մեկը պարտավոր չէ գնալ, առավոտից երեկո աշխատի, որ դու քո 7 անգամ ռեմոնտ արած դիվանի վրա պառկես, սերիալ, թոք շոուներ նայես։ Վեր կաց, աշխատիր։ Չես աշխատում, ուրեմն՝ աղքատությունը քո ընտրությունն է»,- ասել է նա։
Ըստ վարչապետի՝ աշխարհում կան նման մարդիկ. «Նաև հանճարներ են եղել, որ ասել են՝ մենք աղքատության մեջ կմնանք։ Դու Դիոգենեսն ես, շատ լավ, պատմությունը քեզ կգնահատի, բայց վազն արի մեզնից, ինչ ես ուզում»։ Նա նաև նշել է, թե 2018թ. տեղեկանք է ստացել, որ «Բրաբուս» ունեցողը աղքատության նպաստ է ստացել։
