Իսրայելի պաշտպանության նախարար Իսրայել Կացը հրամայել է զինվորականներին նախապատրաստել Պաղեստինյան արմատական ՀԱՄԱՍ շարժման «լիակատար ոչնչացման» ծրագիր, եթե չազատի Գազայի հատվածում պատանդներին։
«Եթե պատանդների գործարքը չիրականացվի մինչև նախագահ Թրամփի պաշտոնավարումը, ապա Գազայում ՀԱՄԱՍ-ի լիակատար պարտությունը պետք է տեղի ունենա», -ասել է Կացը, որին մեջբերում է The Times of Israel-ը:
ԶԼՄ-ի տեղեկություններով՝ հունվարի 9-ի երեկոյան նախարարը խորհրդակցություն է անցկացրել իսրայելական բանակի հրամանատարության, այդ թվում՝ բանակի գլխավոր շտաբի պետ Հերցի Հալեվիի մասնակցությամբ, որում զինվորականներին հանձնարարել է իրեն ներկայացնել ռազմական գործողությունների ծրագիրը։
