Ռուսաստանը մտադիր չէ հարձակվել ՆԱՏՕ-ի երկրների վրա և չունի նման ագրեսիվ պլաններ։ Այս մասին «Известия»-ին տված հարցազրույցում ասել է ՌԴ ԱԳՆ եվրոպական հիմնախնդիրների դեպարտամենտի տնօրեն Վլադիսլավ Մասլեննիկովը։
«Ռուսաստանի և ՆԱՏՕ-ի հարաբերությունները ոչ միայն գտնվում են ամենացածր կետում Սառը պատերազմի ավարտից հետո: Դաշինքը հստակ ուղի է ընդունել մեր երկրին հակազդելու և մեզանից բխող ենթադրյալ «սպառնալիքը» զսպելու համար: Դա տեղի է ունենում բոլոր ոլորտներում և բոլոր ուղղություններով»,- ասել է նա։
Մասլեննիկովը հավելել է, որ Ռուսաստանը երբեք չի ձգտել վատթարացնել հարաբերությունները ՆԱՏՕ-ի հետ։
