Հունվարի 17-ին Մոսկվայում, Իրանի նախագահի այցի արդյունքում, կողմերի միջև կկնքվի համապարփակ ռազմավարական գործընկերության մասին պայմանագիր: Այս մասին հաղորդում է ռուսական «Կոմերսանտ» պարբերականը։
ՌԴ նախագահ Վլադիմիր Պուտինի և Իրանի նախագահ Մասուդ Փեզեշքիանի կողմից ստորագրվող փաստաթուղթը կփոխարինի 2001 թվականի հնացած պայմանագրին և կբարձրացնի Մոսկվայի և Թեհրանի հարաբերությունների մակարդակը Արևմուտքի հետ նրանց սուր հակամարտության պայմաններում:
Ըստ «Կոմերսանտի»՝ առաջնահերթություններից մեկը կդառնա Մոսկվայի հետ համագործակցությունը անվտանգության և պաշտպանության ոլորտում:
Փեզեշքիանի՝ հունվարի 17-ի Ռուսաստան կատարելիք այցի մասին հայտնել է նաև The Tehran Times թերթը:
