Ավտովթարից զոհվել է ԱԺ «Հայաստան» խմբակցության պատգամավոր, ՀՅԴ-ական Մհեր Սահակյանը. այս մասին Radar Armenia-ն տեղեկացավ «Հայաստան» խմբակցությունից։
Նրա մեքենան Տիգրանաշենի ոլորանների հատվածում ընկել ձորը։
ՆԳՆ մամուլի խոսնակ Նարեկ Սարգսյանն էլ իր ֆեյսբուքի էջում հայտնել է. «Հունվարի 13-ին՝ ժ․16․41-ի սահմաններում ՆԳՆ ՓԾ 911 ծառայություն է զանգահարել մի քաղաքացի և հայտնել, որ Երևան-Մեղրի ճանապարհի 90-րդ կմ հատվածում՝ ձորում նկատել է շրջված վիճակում գտնվող ընկերոջ «Հոնդա» մեքենան։
Դեպքի վայր են մեկնել ՆԳՆ ոստիկանության և փրկարար ծառայության աշխատակիցներ։
Ըստ նախնական տեղեկությունների՝ մեքենայում եղել է ՀՀ ԱԺ պատգամավոր Մհեր Սահակյանը, որը մահացել է»։
Մհեր Սահակյանը 37 տարեկան էր, երեք երեխաների հայր։
