Բրյուսելում կայացած գագաթնաժողովի ընթացքում ԵՄ երկրների առաջնորդները որոշել են 6 ամսով երկարաձգել Ռուսաստանի նկատմամբ պատժամիջոցները: Պատժամիջոցների գործող փաթեթն ավարտվում է 2020 թվականի հունվարի 31-ին:
ԱՄՆ-ը, ԵՄ անդամ երկրները և Ուկրաինան տնտեսական պատժամիջոցներ են սահմանել Ռուսաստանի դեմ 2014 թվականին, երբ Մոսկվան Ղրիմը միացրեց Ռուսաստանին: Սահմանափակումները վերաբերում են ապրանքների ներմուծմանը և արտահանմանը, Ղրիմում կատարվող ներդրումներին, այդ թվում՝ տուրիստական ոլորտում:
Ի պատասխան Մոսկվան ներկրման արգելք սահմանեց այն երկրներից, որոնք աջակցում են պատժամիջոցները:
