SpaceX ընկերության իրականացրած յոթերորդ փորձարկման ժամանակ Starship հրթիռը կործանվել է՝ հաղորդում է Reuters գործակալությունը:
Հրթիռն արձակվել է Տեխասից հունվարի 16-ին՝ տեղական ժամանակով ժամը 17:38-ին: Թռիչքից ութ րոպե անց SpaceX-ը կորցրել է կապը հրթիռի հետ, ինչից հետո հրթիռը կործանվել է: Մեքսիկական ծոցով թռիչքներ իրականացնող տասնյակ ինքնաթիռներ փոխել են ընթացքը՝ հրթիռի բեկորների հետ հնարավոր բախումից խուսափելու համար:
SpaceX-ի ղեկավար Իլոն Մասկը հայտարարել է, որ հրթիռի կործանումը տեղի է ունեցել թթվածնի կամ վառելիքի արտահոսքի պատճառով:
