Իրանի նախագահ Մասուդ Փեզեշքիանը ՌԴ նախագահ Վլադիմիր Պուտինի հետ բանակցությունների ընթացքում հայտարարել է, որ Մոսկվայի և Թեհրանի հարաբերությունները ռազմավարական կարևորություն ունեն և համապարփակ բնույթ են կրում:
«ՌԴ – ի հետ հարաբերությունները ռազմավարական կարևորություն ունեն և համապարփակ բնույթ են կրում», – ասել Է Իրանի նախագահը:
Ըստ նրա՝ արտատարածաշրջանային ուժերի ներկայությունը կարող է միայն ապակայունացնել մերձավորարևելյան տարածաշրջանը, որի խնդիրները պետք է լուծվեն միայն դրա մեջ մտնող երկրների պայմանավորվածություններով:
«Մեր գերագույն առաջնորդը և մենք այդպես ենք նայում հարցին. տարածաշրջանային բոլոր խնդիրները պետք է լուծվեն միայն տարածաշրջանի երկրների միջև պայմանավորվածություններով։ Մեր տարածաշրջանում արտաքին ուժերի ներկայությունը կարող է միայն սրել և ապակայունացնել իրավիճակը», – ընդգծել Է Իրանի նախագահը:
Կողմերը քննարկել են նաև Իրանում նոր ԱԷԿ-ի կառուցման վերաբերյալ պայմանավորվածությունները։
«Ատոմակայանի կառուցման վերաբերյալ մեր պայմանավորվածությունները շատ լավ նորություն են։ Կարծում եմ՝ այսօր կարող են ավարտին հասցվել մեր պայմանավորվածություններն այդ ոլորտում», – հայտարարել է Փեզեշքիանը Պուտինի հետ հանդիպման ժամանակ։
