ԱՄՆ Գերագույն դատարանը հաստատել է օրենքը, որը թույլ է տալիս արգելել TikTok-ը «ազգային անվտանգության նկատառումներից ելնելով»։
ԱՄՆ Գերագույն դատարանը որոշել է, որ TikTok-ի արգելման մասին օրենքը չի խախտում երկրի Սահմանադրության առաջին ուղղումը, որը պաշտպանում է խոսքի ազատությունը։ Այս մասին գրում է Reuters-ը։
Օրենքը, որը թույլ է տալիս արգելել TikTok-ը, ընդունվել է ԱՄՆ Կոնգրեսի կողմից 2024 թվականին և օրենք է ստորագրվել նախագահ Ջո Բայդենի կողմից։ Օրենքի համաձայն՝ TikTok-ը կարող է արգելվել արդեն այս կիրակի, եթե չինական ByteDance ընկերությունը չվաճառի սոցցանցի հավելվածը։
ԱՄՆ-ում օրենքի ընդունումը փաստարկվում էր ազգային անվտանգության պաշտպանության համար։ ԱՄՆ Կոնգրեսը որոշեց, որ TikTok-ը վտանգ է ներկայացնում, քանի որ չինական իշխանությունները կարող են ստիպել ByteDance-ին փոխանցել ԱՄՆ օգտատերերի տվյալները իրենց։
Reuters-ը նշում է, որ սոցցանցից օգտվում է 270 միլիոն ամերիկացի՝ երկրի բնակչության մոտավորապես կեսը։
2024 թվականի դեկտեմբերին ԱՄՆ նորընտիր նախագահ Դոնալդ Թրամփը դատարանին կոչ արեց կասեցնել TikTok-ի արգելքը՝ իր վարչակազմին «հնարավորություն ընձեռելու փնտրելու այս դեպքում խնդրահարույց հարցերի քաղաքական լուծումը»:
Թրամփն ասաց, որ իր կողմից սոցցանցի օգտագործումն օգնեց իրեն ներգրավել երիտասարդ ընտրողներին 2024 թվականի ընտրություններում:
